الإعتراف _ الشاعر عماد سيد
الإعتراف
وحانت لحظة الإعتراف
أيوة هاقول وأعترف
أيوة هاقول مش اخاف ظروف
أيوة وهاقتل أي خوف
أيوة وعارف الجواب
لوم أو عتاب
من اللحظة دي مفيش كسوف
مفيش خجل
مفيش مكان لحب تاني أو بدل
خلاص هاصارح وأعترف
خلاص هانادي ع الحبايب
والجيران
خلاص هادق على كل الببان
هقول بحبك أيوة بحبك من زمان
لحظة ماشفتك بتوزع حب وحنان
هاقول خلاص مايهمني مسافة
أو بعد المكان
هاقول ملاكي هاقول ده عشقي
هاقول ده مالك للكيان
هاصرخ وأقول وأقول كمان
مليت سهر مليت ألم مليت كتمان
لدمعة ساكنة في العيون
مليت رسايل دون ردود مليت اسيب
معاني بين الزهور
مليت أسجن شعوري بين السطور
أيوة هاقول أيوة هاقول وأعترف
هاقول وأقرب وابداء هجوم وإقتحام
هاغزو حصونك وأدخل لقلبك
وشعاري راية الإحتلال
هاسكن في قلبك وأملكه وأجري ف وريدك
واوعدك هاكون ونس وأكون سند
وأكون رفيق
هاكون حبيبك وأكون صديقك إخلاص
حنان كل الوفاء طول الطريق
هاقول وأحكي وأعترف عن حرقتي
ولوعتي
الصمت مل والعقل ضل
شغفي وشغبي
للوصال سبيل و حل
رافض إعترافي
ولا القبول
مع الوفاق بهلاله هل ؟
بعد إعترافي بعشقي ليك
قرب لي خطوة هافتديك
أنسى الكسوف أنسى الخجل
لو تعترف أبيع الدنيا وأشتريك
أجمل شعور يحيي الأمل شعور حلاوة الإعتراف
بقلم //
عماد سيد
اضف تعليقاً عبر:
الابتسامات