لوشباكك يفتح شويه _ أشرف محمودعيسى

 *******لوشباكك يفتح شويه*******

آه لو شباكك يفتح شويه.

وتقع عنيكي الحلوة على عنيه.

آه من لون الخدود حمارها زيادة شويه.

وللا العيون الواسعة بحر بتغرق فيه عنيه.

وللا الخصر النحيل غصن لبان وأجمل شويه.

آه لوشباكك يفتح شويه.

وعنيكي الجميلة تشوف جرى إيه ليه.

كنتي تشوفي السهر عمل إيه في عنيه.

وتشوفي نار الشوق باينة في رعشة إيديه.

وكنتي تشوفي الشوق والحب والحنيه.

من غير تتعبي هاتشوفيهم لوعنيكي لمحت عنيه.

آه لوشباكك يفتح شويه.

قاعد طول اليوم أبص على شباكك وناسي كل إللي ليه.

بقيتي شغلي ومشاغلي وحياتي ترخص لوتشاوري بس ليه.

قاعد حارس على شباكك عيني عليكي في الرايحه والجايه.

آه لوشباكك يفتح شويه.

كنتي قلتي بعلو حسك وشاورتي عليه.

شوفوا ياناس حبي وإللي مقسوم لي في الدنيا ليه.

ياللا قوام خبط على باب بيتنا بسرعة شويه.

لحسن الخطاب طوابير كل واحد بيقدم المهر ويطلب ايديه.

ياتلحقني ياماتلحقنيش مستنياك بعد المغربيه.

آه لوشباكك يفتح شويه.

وافوق من أحلامي على صوتك شباكك بيفتح شويه.

أبص على شباكك ألاقيهامابتبصيش عليه.

عينيها شاردة قلقانة بتبص على حته تانيه.

تكونشي مشغولة بغيري وقلبها مش ليه.

تقولي نفسي قوم صارحها أقول لنفسي خايف تقولي إنت مش ليه.

نار الشوق في قلبي وهي حلم أحسن ماتقوليش آسفة إنت مش ليه.

آه لوشباكك يفتح شوية.

أشرف محمودعيسى