وشوش _ عبد المجيد حمودة

  وشوش

كل ما بنمشي في الدنيا

بنقابل وشوش

ده وش خداع كداب

وكدبه كمان مهروش

وده وش متلون

وحاطت لون مغشوش

ووش مرسوم بألوان

باهتة متلخبطة ورتوش

ووش أفاق والنفاق

مكتوب عليه ومنقوش

ووش مخطط خطوط

بالعرض لأنه مهبوش

ووش أسود وأزرق

وأصفر ممصوص ملطوش

وده وش مشلفط مقلفط

فيه ميت خربوش

ووش حاقد مغلول

مقلوب قلبة الفنتوش

ووش مكرش معرض

وكرشه فاضي منفوش

ووش لما تشوفه تقول

ياريتني ما شفتوش

ووش لما تقبله عايز

تضربه بالبرطوش

ووش لما يدخل عليك

تقول يا رب حوش

هى دى الدنيا مليانه

من هذه الوحوش

بقلم/

عبد المجيد حمودة / مصر