البجح - محمد عوض
×××××
البجح على طول فيك بيبحلق وعينه تندب فيها الف الف رصاصة
عامل عملته وشايف انه فوق البشر شوية بزيادة
ولو زغرتله زغرة ........يِطَول نظره معاك بغتاتة
وصوته يعلي...... ويأبح ويلقح بواساخة وقذارة
ولو سبته ومعبرتوش ...يعجن ويلت فى القصة والرواية
زى نسوان الفسحة ..فى اللت والتفاهة والوقاحة
ويفتش على اللي بيكرهوك ويغني ويسبح معاهم على الربابة
مهو بجح ملهوش أمن ولا أمان متربي على المذلة والندالة
وفي كل زمان ومكان..... ملهوش غير الشكم على وشه والإهانة
مريض نفسى شايل... على كتافه الخذى والعار و المهانة
بيمثل في كل اموره وشؤنه من غير خشى ولا رباية
صنف لعين منبوذ ملهوش مالكة من الأساس او البداية
يارب ابعدنا عن صنف البجح...... في كل خطوة للنهاية
واسترنا دنيا ودين.... ولا تمكن فينا مريض الذل والبجاحة
وصلوا على رسول الإنسانية ياأهل العزة والكرامة
بقلمي
أديب وشاعر مهندس /محمد عوض
30/8/2025
عامي
اضف تعليقاً عبر:
الابتسامات