عارفه - صابر ابو سعد
عارفه .....
مش لازم تستخبى
عن عينى وانت معاة
عادى معدتش فارقه
نصحتك كتير وانت حرة
مش كل الناس هتحب قدى
ولا كل الناس تخاف عليك
وتصونك زى ماصنتك
فبلاش لما تحاكينى تكذبى
قدامى تلبسى ثوب الراهبات
وعند رجليه تخلعيه
قلت لك الف مرة
اعملى اللى نفسك فيه
عارفه ....
مبقاش خلاص يتعبنى هجرك
ولا الحياة هتقف على بعدك
دا حتى العين لما بشوفك
ماعاد يحلى ليها النظر
والقلب خلاص انتصر
ماعاد بتعلا دقاتة
هه وانا اللى كنت فاكر
إن يوم هجرك
هيكون يوم مماته
عارفه ....
كنت فاكر أن العين
لما بتتعب تقفل لوحدها
لاكن لقيت القلب كمان
لما بيتعب بيقفل
حتي من أقرب الناس إليه
...
صابر ابو سعد
عامي
اضف تعليقاً عبر:
الابتسامات