ماتفتكرشي ـ أشرف عيسى

 ماتفتكرشي .

ماتفتكرشي اني مش هاقدر عليك.

ولا أن قلبي من تاني يحن ليك.

دا انا ياما بكيت قدام عنيك.

وانت شايفني وهنت عليك.

وعمرك ماسألت عليا وانا كنت بسأل عليك.

وطول عمرك بعيد عن ايديا وانا كنت ملك ايديك.

ومهما ظلمت فيا عم،ي ماقلت لك حرام عليك

بتقول عفا الله عما سلف لا ياحبيبي الوش دا مش لايق عليك.

زي ما عملت فيا زمان انا دلوقتي الدور عليا ارده ليك. 

ومهما مديت ايدك بالسلام عمري ما هاسأل فيك.

هاخلص منك كل إللي عملته فيا وبعدين اشوف ارجع وللا ما ارجعشي ليك.

دلوقتي انا اللي باضحك وانت دموعك مالية عنيك.

يا ما استنيتك في الميعاد وعمرك ماجيت وبرده كنت باسأل عليك.

وكنت بتغيب عني الليالي وكنت بفكر فيك.

يا ما سألت عنك القمر ونجومه لو كانوا شافوا عنيك.

لا انا هاسيبك ولا هارجعلك هاسيبك معلق تتحايل على الناس تكلمني علشان ارجع تاني ليك.

اشرف محمودعيسى