الفارس الخيبان _ عفاف محمد عبد الصادق
الفارس الخيبان
بقلم عفاف محمد عبد الصادق
لو هترجع بعد غيبة
تقول وحشتيني
يوم ما هتجيني
بزيف تاني من وعودك
او بـ 100 كلمة
انسي غدرك واللي صار
واللي كان بينا
وازاي يكون الأمان وياك
وانا ع الوحدة متصحبين
مش بغمزة من عينك
ولا حتي تسبيلة
تخطي عتبي بزفة أو بهليلة
تفتح جراح قفلها قلب
عاش اسير لهواك
الحب كان في شرع قلبي
جباله بتشيل
كتف يسند وقت شدة
ويعدل الميل
قلب يحزن لاجل حبه
يصبر ولا يعاند
في حب عنتر شرع عبلة
سيفه وشجونه
يشق صخر يعدي بحر
يحضنها بعيونه
يلين الحديد بكلمه منه
تتفتح الأزهار
يجيب الحمام منه غية
وم البحار اصداف
وإن بقيتله ف عشقه ليلي
يكون بيا المجنون
يلضم نجومي ف السما
يغزل العناقيد
الحب براح ادام عنينا
وكلامه بيطمن
مهما تطول العشرة بينا
نعدي ونكمل
نلم العمر الباقي منا
نبني و نرمم
و معايا كنت انت
الفارس الخيبان
اتمنيت الحب دايما
وتساومني علي الخزلان
اضف تعليقاً عبر:
الابتسامات