كان كلامها كما الصبح _ محمدعبدالمقصود داود
كان كلامها كما الصبح
########################################
كان كلامها
كما الصبح اللى بيشق السما
كما الوردة لما تعانق الندى
كما النغم بيشد قلب الوتر
ويغنى غنوة ملهمة
عصفور يعشش فى خن القلب
ويحلم بالمنى
يحلم بايد طيبة
يحلم بكتف حنينة
تنام عليه همومى متبسمة
وانا كنت بااشتاق عينيكى لما تضحك
وينزل مطر
يخضر القلب الحجر
فنجرى فى شوارع دنيانا
وندوس الخطر
تتبل ريق الحلم
لما ايديكى تحضن ايديا
ونقول الهم اندثر
كنت بااكتب اسمك
على كل كراريس الشجر
واقف اضحك مع القمر
وانده للنجوم فى السحر
كنت يا حبيبتى زيا انا
انسانة جديدة
فى كل شىء تفتح منابع الفرح
بس ليه عاندنا القدر
وقلبنا انجرح
===================محمدعبدالمقصود داود
اضف تعليقاً عبر:
الابتسامات