مسكن رهيب _ محمد غنيم
مسكن رهيب
بقلم محمد غنيم
سهران الليل بطوله
مش لاقي كلام يقوله
صعبان عليا حاله
اللي ف باله مش هينوله
الجرح اللي فيه عجيب
محتاج مسكن رهيب
كنت اداوي جرحه بكلمة
يسمع صوتي بسرعه يطيب
لما بغيب روحه بتروح
خليه عايش كده مجروح
كان محتاج مني علاج
لأ ياروح ما بعدك روح
منا كنت بين ايديه
وكلامي بلسم يداويه
فجأة اتغير عليا
فاكرني هبكى عليه
تفكيره راح لبعيد
فاكرني هعيش وحيد
لو مرة بس سألني
كان يعرف اني عنيد
هسيبه يعيد حساباته
ويعيش لجرحه واهاته
ويندم على كل لحظة
قلبي بعيد عن حياته
اضف تعليقاً عبر:
الابتسامات