قعدة صفا _ عبد الرحيم على
قعدة صفا
____________
قاعدين فى ساعة صفا
كان فى الشتاء بالليل
والقلب يهوى الدفا
لما القلوب بتميل
اسألها ليه كل ده
واقول وتسمعنى
وإن حتى عنّفتها
ما فى مرة تمنعنى
العمر راح مننا
يا مين يرجّعنى
أتوب لرب السماء
ولا قلبى يوجعنى
ياما قلت لك نهتدى
يا نفسى من بدرى
ياما نفسي يوم اكسرك
عارفك أنا قدرى
نفسى فى يوم اقنعك
وارجع واتوب لله
القاكِ من غير سبب
ناويه على غدرى
ده القلب كل مناه
يرجع لباب ربه
واللى رجع لله
تايب ومن قلبه
الدنيا تجرى وراه
وهو ما يهمه
لا هى كات عاشقاه
ولا هى كات أمه
كل اما اتوب مالك
مش عايزه ليه توبتى
واسكت واشيلها لك
واقول يجوز توبتى
القاكى من غير سبب
فى الغفلة تغوينى
وتزوقيلى الحرام
عايزه تجرّينى
يحرم علىّ الحرام
لو كان هيغنينى
اهل الضلال فى الضلال
عايشين بلا تقوى
واللى يخاف ربنا
مع الحلال أقوى
واللى يجارى الهوى
نفسه هتلعب بيه
كلمات
عبد الرحيم على
اضف تعليقاً عبر:
الابتسامات