ميزان الكلمة _ محمد عز العرب خليفة
خواطر انسان
ميزان الكلمة
خُد بالك يا صاحبي من اللي بتقوله وبتعيده
ده اللسان يا بطل.. سجان وراسم تجاعيده
الكلمة مش مجرد هوا طاير فـ الهوا وخلاص
دي حكم ومواجع.. وفرحة للي قلبه حَسّاس
الكلمة ممكن تبقى سيف.. مسنون وحامي
تُبتر وريد الأمل.. وتكسر في أحلامي
تجرح في ثانية قلوب.. كانت صفتها الطيبة
وتهد في بني آدم.. وتصيبه بـ "خيبة"
وممكن تكون الكلمة.. دُقة وشفا وعِلاج
تطبطب على الروح.. وتلبسها أحلى تاج
كلمة حنينة تداوي.. مرارة السنين
وتخلق إنسان جديد.. مليان رضا ويقين
الكلمة نور يا صاحبي.. بتنور العتمة
تدلك عـ الطريق الصح.. وتفض أي عتمة
تفتح بيبان الرزق.. وتبني بيوت عمار
وتزرع في أرض القساوة.. ورد وأزهار
لكن في كلمات قبور.. بتدفن الأحياء
تخنق صدى الضحكة.. وتزود في العناء
اختار حروفك بدقة.. زي ما بتنقي الهدوم
الكلمة الطيبة باقية.. والكلمة القاسية سموم
بقلم
السيد محمد عز العرب خليفة
مصر
اضف تعليقاً عبر:
الابتسامات