أوبريت العلم المصري _ سيد فتح الله
أوبريت العلم المصري
"""""""""""""""""""""""""""
علمك مرفرف يابلادي
عمال يهفهف وينادي
فوق كل سطح وبلكونة
السمر دول همه ولادي
قولوا معايا تحيا مصر
دا مصر أ م الدنيادي
أ حمر بيجري ف شراييني
يا حبيبتي يا نور عيني
بهر العيون لونه
يا مصر حبك يحييني
قولوا معايا تحيا مصر
شربة من نيلك ترويني
أبيض في قلبه النسر
وانتي في القلب يا مصر
كريمة مع الأغراب والأهل
وظهرك للعروبة الجسر
قولوا معايا تحيا مصر
وتسيري من نصر لنصر
أ سود كنني العين
ويلاقوا زيك فين
بغضك دا أ كبر جهل
اسمك مذكور ف الدين
قولوا معايا تحيا مصر
وادخلوها آ منين
علمك جمعنا كلنا
وع المحبة لمنا
عايشين في كوخ أو قصر
مصر العظيمة دي أمنا
قولوا معايا تحيا مصر
فداها روحنا ودمنا
أم الدنيا ما فيش كلام
أرض المحبة والسلام
قولوا معايا تحيا مصر
موتوا بغيظكم يا لئام
مصر دي أ رض السلام
قولوا معايا تحيا مصر
علمك مرفوع ع الدوام.
************
شعر/ سيد فتح الله
من ديوان / مصر التى فى خاطرى
اضف تعليقاً عبر:
الابتسامات