السكة! ٢٠١ _ محمود عفيفي دومه
السكة! ٢٠١
باقي خطاوي لسه في السكة
ولا أنت سارح وماشي في الملكوت
علمت في الدنيا.. وليك فيها تكة
و ساعة الكلام بدلتها بسكوت؟
مسروق.. وفايت الديون تقاضيك
ناسي الحساب ساعة ما تبقى في ضيق
عامل قوي الواد حريص ودقيق
رجع حقوق الناس.. لو حقهم كتكوت
القطر ماشي ومحطتك جاية
وأنت مصهين مع إن سامع توت
غفلت مرة وكتمت لشهادة
وفي الوحل غارز صبحت فيه موروط!
بعت لضميرك رخيص لجل كام حفنة
وقولت هاشهد بس القوالة بشروط!
طب مين يا فالح ياخد هناك يدك؟
وفيه صراط جنبه ميزان محطوط
جهز لشنطك وخفف الشيلة
وارجم شيطانك ونيمه منقوط
ناديت عليك وبح أنا صوتي
شوف أنت بقى تختار لأنهي صوت!!!
بقلم/محمود عفيفي دومه
اضف تعليقاً عبر:
الابتسامات