انتي سرقتيني _ اشرف محمود عيسى

 انتي سرقتيني...

في غفلة من حياتي انتي سرقتيني .

واحد وأربعين يوم بعيدة عن عيني.

واحد وأربعين يوم في أحلامي مش عايزة تجيني ..

وهاتجيني إزاي وأنا جافيت النوم وجافاني في غيابك عني يانور عيني.

سرقتي من حياتي الراحة والإبتسامة حلت مكانها دمعة في عيني..

سرقتي قلبي وخدتيه معاكي  عايش من غير قلب لحد ما تجيني.

إزاي هان عليكي البعاد هو البعاد بالساهل ساكته ليه كدا ما تكلميني.

طب ماشتقتيش  ليا ولا وحشتك عنيا والله وأنتي جنبي  بتوحشيني.

 وحشاني وأنتي أهه  قدام عنياومش مصدق عيني.

ياترى في غيابك كنتي بتفكري فيا وللا وأنا بعيد عن عيونك بتنسيني.

كانت اللقمة ما بلاقي ليها طعم والله غيابك مرر عيشتي وسنيني.

كنتي بتفكري فيا  طب كنتي بتعدي الأيام علشان ترجعيلي.

حاجات كتير مش عارفها ولا عارف أقولها  غير إنك باختصار عمري وإللي باقي من سنيني.

اوعي تكرري الغياب وان كان ولابد من السفر  المرة الجاية  معاكي خديني..

اشرف محمود عيسى