الدنيا بينا بتلعب _ عبد المنعم مرعي
الدنيا بينا بتلعب
لعبة كراسي وتكسير عظام
عمالة تضرب فينا من تحت الحزام
وكل شيء بيلعب في راسي
مش عارف اية تفسيره يمكن خصام
يا قلبي نفسيتي تعبت مش عارف أنام
وكتر التفكير فيه وجعلي راسي
شوية أحس إن بينا حالة وئام
وشوية بحس إني حالة مش تمام
وإنك بتلف عليه وتدور في
حلقة مفرغة عبارة عن شوية حطام
كأن بيني وبينك حالة إنقسام
جاي بيها على تحوير ياعم غور
على نفسك دور روح بألف سلام
بلاش بعقلي تلف ودور حرام
مش ناقصها حياتي
إنك تعيشني معاك حلم وردي
اعيش إزاي
وأنا أصلاً مش في حالتي
حالة ووضع ميؤوس منه كلة ظلام
كل ما اجي أفوق منك
فجاءة ألاقيني برة محوطني سور
عتمة نهايتها إنعدام
بقلم عبد المنعم مرعي
اضف تعليقاً عبر:
الابتسامات