وقت الرحيل _ د/ حسن الشوان
قصيده بعنوان وقت الرحيل
ملقتش حد راح ورجع تانى
كل إللى راح بقا ذكره
الشمس رايحه وجايه تانى
عشان إمبارح وبكره
فيها ايات وعبر و معانى
وعقول بتعطى فكره
وعظة تأمل من قدر ربانى
كل البشر ليهم اخره
وكل مخلوق ميعرفش كِتابه
ولا يعرف مين أصدق صحابه
ولا يعرف حتى مفاتيح أبوابه
ولا عن حياته ذرة
السؤال اللى مالوش إجابه
موجود فى العقل وغير منطوق
مالوش وصف فى الكتابة
ولا فيه توضيح عند اى مخلوق
ولا حتى التاريخ قاله مره
البدايه كلنا عايشين فيها
فى كل مراحل العمر والحياه
دنيا كبيرة بكل نواحيها
كلها أسرار لا يعلمها إلا الله
وما بين الموت والحياه شعره
ووقت الرحيل فى علم الله
د/ حسن الشوان/مصر
اضف تعليقاً عبر:
الابتسامات