لون الطين _ د/ حسن الشوان
قصيدتى لون الطين
لو كان فى العمر بقيه
كُنت حلفت لك ميت يمين
ما اسيبك ولا ثانيه
ولا يمسك فى اى يوم الأنين
أكمل مشوار الحنيه
اللى شربته منك عزة وحنين
واقف قدام كل الدنيا
ما أتخلى عنك ولو ثانيتين
ولو حتى جت عليا
انا ثابت معاكى ليوم الدين
بصماتك معلمه فيا
حبات رملك ف ايديا
دموعك ماليا عينيا
واخاف عليكى من لون الطين
طول عمرك لينا بهيه
يا ام العيوون خضره
احساسك دايما بيا
باين فى كل نظره
ومكانة اسمك م الاف السنين
لو كان فى العمر بقيه
ختامه ح يكون فيكى
اكون لغيطانك ساقيه
تروى تراب اراضيكى
اللى بتسحر قلوب الملايين
د/ حسن الشوان/مصر
اضف تعليقاً عبر:
الابتسامات