دُنيا عورة _ د/حسن الشوان
قصيدتى دُنيا عورة
عايشين في دنيا عوره
خلت الصحيح معكوس
لبسه نضاره مكسوره
والاتجاه شايفاه بصيص
فى كل خطوة تعويره
والدم مبقاش حسييس
خلت حياتنا كلها ممله
مبقاش فيها طموووح
مدرستش نشاط النمله
وأنفاسها بارده بلا روح
عايشه ع طول ف غفله
والفكر فى عقلها ملووح
عايشين في دنيا عورة
لا شايفه شكل الرصيف
مخضوضه من الصوره
ونور الحق فيها سيووف
مرمغت الأصل فى التراب
ورفعت الندل لأعلى مقام
والنخل شامخ ف السحاب
مرضيش يطاطى للظلام
ولا يخالف كرامه الكتاب
ولا يعيش ف كدب واوهام
ولا شموخه ينحرف للتزييف
د/حسن الشوان/ مصر
اضف تعليقاً عبر:
الابتسامات