بعد إيه _ السيد الشهاوي
بعد إيه
الشاعر السيد الشهاوي
بعد إيه جاي تقولي ذكرياتنا
بعد ما ضاع إللي بينا
و انتهى
لسه فاكر قوللي فين إحنا
النهارده من زماننا يا تري
قول لي فين كنا
ومين فينا اللي خان عهده ومضي
فات حضن خله وراح
في حضن غيره وارتمي
ياما علمتك زمان معني الهوي
ياما رويت قلبك حنين
علمتك تشتاق للحب تيجي
لو غبت عنك لحظه تود
تسهر ليالي البعد تبك
تشوفها بالف والف لون
واكتب لك جوابات باحبيبي تبعت تسال وترد
ومهما الهجر طال بينا
ايام وليالي طويله
نتقابل والحب هو الحب
عمر ما اثر فينا البعد
وتلتقي تضحك في عيوننا الفرحة
تقتل ضحكتها الحزن
يرميني في احضانك شوقي
تضمني تعصرني عصر
انسي وتنسي الجرح
ندفا واحنا في عز البرد
تتلاقي عيونا. .. ايدينا
تسقيني الحب شفايفك
شهد وخمر
اشرب واشرب واتغرقني
عنيك في بحور السكر
ادوب وياك في احلامي مع الكاس والليالي الحمر
ياخذني التيه ويرميني
يطول ليلي وترويني
واصحا في آخر الليل
علي صوتك يصحيني بتقوللي حبيبي
قوم يا حبيبي
قوم اتوضا وصلي الفجر
انهض من علي صدرك اصلي
واصلي الفرض الواحد مليون ركعه
شوفت اذاي كنت زمان تنقلني في لحظة تنشلني
من دنيا الفجر
من وسط الخمر للطهر
كان زمان باشاره منك
لو تظلمني انسي ظلمك
وانسي ويلي يا حبيبي
مابين يومي وبين ليلي
ياما جوني وقالوا عنك
كنت اضحك يهربوا من ضحكتي
واسال روحي ما بيني وبيني
يطويني الشك في احزاني
والحقيقة بعد ما اتمنيت اعرفها
شفتها وكدبتها
بعد ما اتحقق فيك شكي
والحقيقة حاولت انكرها انكرت ذاتي
ولقتني وانا بين احزاني وحيرتي باضيع يا حبيبي
ولسه باقول يا حبيبي
ما هو إنت وانت عارف جزء مني
من روحي ونفسي عملتك ورسمتك من صوره في فكري
ونقشتك على صفحه قلبي فرع اخضر وزهره
بلون وردي وفجر فضي
وقصيده من شعري
من وحي اشواقي وحبي
حبي إللي كان قيود في ايدى
رغم اسري بتسعدني
اخدتني وياك احلامي
وهمت بيك وسط السحاب وصدقت وعودك
وفي لحظه لقتني واقع من علو سماك
ع الارض الصلبه مفكوك قيدي
طليق وهمي وشرودي
فايق من سكري واتمنيت
يا ريتني ما قابلتك ياريت
وانتهينا
وحتي الهوي
ما بقاش له معني
السيد الشهاوي
اضف تعليقاً عبر:
الابتسامات